अर्थ

हल्ली मी तिच्याविषयी काहीच बोलत नाही,

ह्याचा अर्थ मला तिची आठवण येत नाही

                                             असा  नाही.

Phone उघडून wallpaper पाहतो 

सरळ phonebook मध्ये 

तिच्या नावापाशी जाऊन थांबतो.

Call आणि  back अश्यादोन  बटनांवर 

अंगठा खेळत राहतो.

शेवटी back बटन जिंकतं आणि

मी call न करता phone बंद करतो.

ह्याचा अर्थ मला तिच्याशी बोलायचं नसतं 

 असा नाही,

ह्याचा अर्थ मला तिची आठवण येत नाही

                                             असा नाही.

तिचा वाढदिवस जवळ आला कि 

मी gift shops पालथी घालतो 

कधीतरी एखादं  gift घेऊनहि येतो.

माझ्याकडे तिचा address असतो 

DTDC 24 तासात पोचवायला तयार असतं.

तरी ते  gift मी पाठवत नाही

ह्याचा अर्थ मला तिचा वाढदिवस लक्षात नाही

       असा नाही,

ह्याचा अर्थ मला तिची आठवण येत नाही

                                             असा नाही.

चुकून कधीतरी तिचाच  phone आला तर 

मनातून मी कचरतो.

तिचा phone rcv करतो.

काही गोष्टी बोलतो 

काही गोष्टी टाळतो.

ह्याचा अर्थ मला तिला टाळायचं असतं

 असा  नाही,

ह्याचा अर्थ मला तिची आठवण येत नाही

                                             असा  नाही.

सरतेशेवटी अशक्य अश्या डोंगरकड्यावर 

उभा राहून मी तिला phone करतो.

तेंव्हा मी माझाच असतो.

ती जागा…तिची आठवण..सगळ्या गोष्टी त्रास देतात.

शेवटी मी जाणून बुजून बोलून जातो 

“आपण आता कधीच भेटणार नाही ”

दोन्हीकडून शांतता .

ह्याचा  अर्थ….

ह्याचा अर्थ.